عورت کا بوسہ لیا مباشرت کی یا گلے لگایا اوراِنزال ہوگیا تو روزہ ٹوٹ جاتا ہے؟

*🌹عورت کا بوسہ لیا مباشرت کی یا گلے لگایا اوراِنزال ہوگیا تو روزہ ٹوٹ جاتا هےـ؟🌹*

السلام علیکم و رحمۃ اللہ برکاتہ

*زید نے روزہ کی حالت میں اپنی بیوی کو بغیر ہمبستری کے ارادہ سے چھوا اور  منی نکل گئی اب زید کا روزہ رہا یا ختم ہو گیا اور زید پر کفارہ لازم آےگا یا نہیں*

*🌹سائل🌹محمد شفیق اندور*

◆ــــــــــــــــ▪♦▪ــــــــــــــــ◆

*وعلیکم السلام ورحمتہ الله وبركاته*

*الجـــواب بعــون المــلـــك الـــوهــاب؛*

روزہ جاتا رہا جیسے کہ 

صدرالشریعہ علیہ الرحمہ عالمگیری کے حوالے سے ارشاد فرماتے ہیں:

*عورت کا بوسہ لیا یا چُھوا یا مباشرت کی یا گلے لگایا اوراِنزال ہوگیا تو روزہ جاتا رہا اور عورت نے مرد کو چُھوا اور مرد کو انزال ہوگیا تو روزہ نہ گیا۔ عورت کو کپڑے کے اوپر سے چُھوا اور کپڑا اتنا دبیز ہے کہ بدن کی گرمی محسوس نہیں  ہوتی تو فاسد نہ ہوا اگرچہ انزال ہوگیا۔* 

_(عالمگیری)_

اور فقط قضاء لازم ہے کفارہ نہیں

جیسے کہ صدرالشریعہ علیہ الرحمہ در مختار کے حوالے سے ارشاد فرماتے ہیں:

*کان میں  تیل ٹپکایا یا پیٹ یا دماغ کی جھلّی تک زخم تھا، اس میں  دوا ڈالی کہ پیٹ یا دماغ تک پہنچ گئی یا حقنہ لیا یا ناک سے دوا چڑھائی یا پتھر، کنکری، مٹی، روئی، کاغذ، گھاس وغیرہا ایسی چیز کھائی جس سے لوگ گھن کرتے ہیں  یا رمضان میں  بلا نیّتِ روزہ روزہ کی طرح رہا یا صبح کو نیّت نہیں  کی تھی، دن میں  زوال سے پیشتر نیّت کی اور بعد نیّت کھا لیا یا روزہ کی نیّت تھی مگر روزہ رمضان کی نیّت نہ تھی یا اس کے حلق میں  مینھ کی بوند یا اولا جارہا یا بہت سا آنسو یا پسینہ نگل گیا یا بہت چھوٹی لڑکی سے جماع کیا جو قابلِ جماع نہ تھی یا مردہ یا جانور سے وطی کی یا ران یا پیٹ پر جماع کیا یا بوسہ لیا یا عورت کے ہونٹ چُوسے یا عورت کا بدن چُھوا اگرچہ کوئی کپڑا حائل ہو، مگر پھر بھی بدن کی گرمی محسوس ہوتی ہو۔*

اور ان سب صورتوں  میں انزال بھی ہوگیا یا ہاتھ سے منی نکالی یا مباشرت فاحشہ سے انزال ہوگیا یا ادائے رمضان کے علاوہ اور کوئی روزہ فاسد کر دیا، اگرچہ وہ رمضان ہی کی قضا ہو یا عورت روزہ دار سو رہی تھی، سوتے میں  اس سے وطی کی گئی یا صبح کو ہوش میں  تھی اور روزہ کی نیّت کرلی تھی پھر پاگل ہوگئی اور اسی حالت میں  اس سے وطی کی گئی یا یہ گمان کر کے کہ رات ہے، سحری کھالی یا رات ہونے میں  شک تھا اور سحری کھا لی حالانکہ صبح ہو چکی تھی یا یہ گمان کرکے کہ آفتاب ڈوب گیا ہے، افطار کر لیا حالانکہ ڈوبا نہ تھا یا دو شخصوں  نے شہادت دی کہ آفتاب ڈوب گیا اور دو نے شہادت دی کہ دن ہے اور اُس نے روزہ افطار کر لیا، بعد کو معلوم ہوا کہ غروب نہیں  ہوا تھا ان سب صورتوں  میں  صرف قضا لازم ہے، کفارہ نہیں ۔ 

_(درمختار وغیرہ)_

*📕(بہار شریعت، جلد اول، حصہ پنجم، روزہ کا بیان )*

*والله تعالى اعلم بالصواب؛*

◆ــــــــــــــــ▪♦▪ــــــــــــــــ◆

*✍ازقلـــم:- ابــو حنـــیـــفـــہ محـــمـــد اکـبــــر اشــرفــی رضـوی، رکـن شـوریٰ سـنــــی تبـــلیــغـــی مشـــن، مانـخـــورد مـــمـــبـــئـــی*

*بتاريخ، ٢ رَمَضَانُ الْمُبَارَک ٠۴۴١؁ھ*

*🔹آپ كا سوال ہمارا جواب گروپ🔹*

*رابطہ؛ 9167698708*

◆ــــــــــــــــ▪♦▪ــــــــــــــــ◆

*المشتــــہر؛*

*اسيـر تاج الشريعه احقرالعباد خاكسار غـلام احمـد رضـا قـادرى يـوپـى انڈيا؛*

◆ــــــــــــــــ▪♦▪ــــــــــــــــ◆