نکاح کرنا کب فرض کب واجب کب سنت ہے؟

*🌹نکاح کرنا کب فرض کب واجب کب سنت ہے؟ 🌸*

((((((((((((((((((﴾ ﷽ ﴿))))))))))))))))

    

*السلام وعلیکم*

نکاح کرنا فرض کب ھے اور واجب کب ھے اور سنّت کب ھے؟ 

حضور والا کی بارگاہ میں عریضہ ھے مدلّل جواب عنایت فرمایں

*سال : محمد افضال رضا*

🍃🌹🍃🌹🍃🌹🍃🌹🍃🌹

وعليكم السلام، 

*نحمد ونصلی علی رسولہ الکریم*

_اعتدال کی حالت میں یعنی نہ شہوت کا بہت زیادہ غلبہ ہو نہ عنین (نامرد) ہو اورمہر و نفقہ(کپڑے ،کھانے پینے وغیرہ کے اخراجات) پر قدرت بھی ہو تو نکاح *سنت مؤکدہ* ہے کہ نکاح نہ کرنے پر اڑا رہنا *گناہ* ہے اور اگر حرام سے بچنا یا اتباع سنت و تعمیل حکم یا اولاد حاصل ہونا مقصود ہو تو *ثواب* بھی پائے گا اور اگر محض لذت یا قضائے شہوت(یعنی شہوت کو پورا کرنا) منظور ہو تو ثواب نہیں۔_ *(📕''الدرالمختار''و''ردالمحتار''،کتاب النکاح،مطلب:کثیرا ما یتساھل في اطلاق المستحب علی السنۃ، ج۴)*

_*شہوت* کا غلبہ ہے کہ نکاح نہ کرے تو معاذ ﷲ اندیشۂ *زنا* ہے اور مہر ونفقہ کی قدرت رکھتا ہو تو نکاح *واجب* ہے،_ 

_يوہيں جبکہ اجنبی عورت کی طرف نگاہ اٹھنے سے روک نہیں سکتا یا معاذ اللہ ہاتھ سے کام لینا پڑے گا (یعنی مشت زنی کرنی پڑے گی) تونکاح *واجب* ہے۔_ 

*(📕الدرالمختار''و''ردالمحتار''،کتاب النکاح، ج۴، ص۷۲)*

_یہ یقین ہو کہ نکاح نہ کرنے میں *زنا* واقع ہو جائے گا تو *فرض* ہے کہ نکاح کرے۔_ 

*(📕''الدرالمختار''،کتاب النکاح،ج۴،ص۷۲)*

_اگر یہ ا ندیشہ ہے کہ نکاح کریگا تو نان نفقہ نہ دے سکے گا یا جو ضروری باتیں ہیں ان کو پورا نہ کرسکے گا تو *مکروہ* ہے اور ان باتوں کا یقین ہو تو نکاح کرنا *حرام* مگر نکاح بہرحال ہو جائے گا۔_

*(📕درمختار)*

_نکاح اور اس کے حقوق ادا کرنے میں اور اولاد کی تربیت میں مشغول رہنا، نوافل میں مشغولی سے بہتر ہے۔_

*(📕حوالہ : بہار شریعت،جلد دوم ساتواں حصہ، نکاح کا بیان)*📕

☆ ☆ ☆ ☆ ☆  ☆ ☆ ☆ ☆ ☆ ☆

           *واللہ اعلم ورسوله اعلم* ﷻ و ﷺ

☆ ☆ ☆ ☆ ☆  ☆ ☆ ☆ ☆ ☆ ☆

*✍ازقلـــم:-اسیـــر حضـــور اشـــرف العــلــمـاء ابـــو حنـــیـــفـــہ محـــمـــد اکـبــــر اشــرفــی رضـوی، مانـخـــورد مـــمـــبـــئـــی*

*مورخہ، ۲۰۱۸*

*♦فیضان حضرت بلال رضی اللہ عنہ گروپ؛♦*

 *رابطہ؛ 9167698708*