راستے کا کیچڑ پاؤں یا کپڑے میں لگ جائے تو طہارت کا کیا حکم ہے؟

 🔎 *راستے کا کیچڑ پاؤں یا کپڑے میں لگ جائے تو طہارت کا کیا حکم ہے؟*🔍◆ ــــــــــــــــــــ▪ 📝 ▪ــــــــــــــــــــ ◆

*اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎*

بارش میں شلوار کے بوٹم میں کیچڑ لگ گئی، تو کیا کپڑے اس سے ناپاک ہو گیا ؟اور یہ بتائیے کہ کپڑے کا اتنا حصہ جو کیچڑ سے آلودہ ہوا تھا اتنا حصہ صابن وغیرہ سے واش کرکے کیا وضو کرکے نماز پڑھ سکتے ہیں ؟

*ا•─────────────────────•*

*سائلہ؛ الفیہ بنت انور حسین، ممبئی مہاراشٹر*

◆ ــــــــــــــــــــ▪ 📝 ▪ــــــــــــــــــــ ◆

*وعلیکم السلام ورحمۃ اللہ تعالی وبرکاتہ*

*الجواب بعون الملک الوھاب ۔۔۔* 

🔍بہتر ہے دھو لیجیۓ، البتہ کپڑا ناپاک نا ہوا جب تک آپکو اس میں نجس ہونا معلوم نا ہو، اسے دھو کر پھر وضو کرکے نماز ادا کریں

*📝صدر الشریعہ علیہ الرحمہ فرماتے ہیں: راستہ کی کیچڑ پاک ہے جب تک اس کا نجس ہونا معلوم نہ ہو، تو اگر پاؤں یا کپڑے میں لگی اور بے دھوئے نماز پڑھ لی ہو گئی مگر دھو لینا بہتر ہے۔*

(📙بحوالہ؛ الدرالمختار و ردالمحتار، کتاب الطہارۃ، مطلب في العفو عن طین الشارع، ج۱، ص۵۸۳/ حوالہ؛ بہار شریعت جلد اول حصہ دوم ، باب نجاست کے متعلق احکام، مطبوعہ المکتبۃ المدینۃ) 

واللہ تعالٰی اعلم بالصواب

*ا•─────────────────────•*

*✒️کتبہ :ابــو حنـــیـــفـــہ محـــمـــد اکـبــــر اشــرفــی رضـوی، مانـخـــورد مـــمـــبـــئـــی*

 *رابطہ نمبر ؛ 9167698708*

*ا•─────────────────────•*

١٦ ذوالقعدہ ١٤١٤؁ھ ، مطابق ٨ جولائی ٠٢٠٢؁ء

*ا•─────────────────────•*

*حدیث نبوی ﷺ (خواتین) گروپ*

*ا•─────────────────────•*

*https://akbarashrafi.blogspot.com/?m=1*

*ا•─────────────────────•*

مکمل تحریر >>>

لقطہ کا شرعی حکم کیا ہے؟

🔎 *لقطہ کا شرعی حکم کیا ہے؟*🔍

◆  ــــــــــــــــــــ▪  📝   ▪ــــــــــــــــــــ  ◆

*اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎*

کیا فرماتے ہیں علماء دین اس مسئلے میں کہ جو پیسے پڑے ہوئے ملتے ہے ان پیسوں کا کیا حکم ہے؟

*ا•─────────────────────•*

*سائلہ؛ ممتاز شیخ، شیواجی نگر گوونڈی ممبئی*

◆  ــــــــــــــــــــ▪  📝   ▪ــــــــــــــــــــ  ◆

*وعلیکم السلام ورحمۃ اللہ تعالی وبرکاتہ*

*الجواب بعون الملک الوھاب ۔۔۔* 

*🔍جو مال کہیں پڑا ہوا ملے اسے لقطہ کہتے ہیں*  

(📕بحوالہ ؛ الدرالمختار،کتاب اللقطۃ،ج۶،ص۴۲۱، حوالہ؛ بہار شریعت جلد دوم حصہ دہم ، باب لقطہ کا بیان مطبوعہ المکتبۃ المدینۃ)

*📝صدر الشریعہ علیہ الرحمہ فرماتے ہیں: پڑا ہوا مال کہیں ملا اور یہ خیال ہو کہ میں اس کے مالک کو تلاش کرکے دیدوں گا تو اُٹھا لینا مستحب ہے اور اگر اندیشہ ہو کہ شاید میں خود ہی رکھ لوں اور مالک کو نہ تلاش کروں  تو چھوڑ دینا بہتر ہے اور اگر ظن غالب (یعنی غالب گمان) ہو کہ مالک کو نہ دونگا تو اُٹھانا ناجائز ہے اور اپنے لیے اُٹھانا حرام ہے اور اس صورت میں بمنزلہ غصب کے ہے (یعنی غصب کرنے کی طرح ہے) اور اگر یہ ظن غالب ہو کہ میں نہ اُٹھاؤں  گا تو یہ چیز ضائع و ہلاک ہوجائے گی تو اُٹھا لینا ضروری ہے لیکن اگر نہ اٹھائے اور ضائع ہوجائے تو اس پر تاوان نہیں* 

(📘بحوالہ : الدرالمختار و ردالمحتار، کتاب اللقطۃ،ج۶،ص۴۲۲؛ حوالہ؛ المرجع السابق) 

📌احادیث مبارکہ میں ہے 

*جارود رضی اللہ تعالٰی عنہ سے روایت کی، کہ رسول اللہﷺ نے فرمایا: ’’مسلمان کی گم شدہ چیز آگ کا شعلہ ہے‘‘ یعنی اس کا اٹھا لینا سبب عذاب ہے، اگر یہ مقصود ہو کہ خود مالک بن بیٹھے۔*

 (📙بحوالہ ؛ سنن الدارمي،کتاب البیوع،باب في الضالۃ،الحدیث:۲۶۰۱،ج۲،ص۳۴۴۔ حوالہ؛ المرجع السابق)

*زید بن خالد رضی اللہ تعالٰی  عنہ سے مروی، کہ رسول اللہﷺ فرماتے ہیں  : ’’جو شخص کسی کی گم شدہ چیز کو پناہ دے (اوٹھائے)، وہ خود گمراہ ہے اگر تشہیر کا ارادہ نہ رکھتا ہو۔‘‘* 

(📗بحوالہ : صحیح مسلم،کتاب اللقطۃ،باب في لقطۃ الحاج،الحدیث۱۲ـ(۱۷۲۵)،ص۹۵۰۔حوالہ؛ المرجع السابق)

*ابو ہریرہ رضی اللہ تعالٰی عنہ سے روایت کی، کہ رسول اللہﷺ  سے لقطہ کے متعلق سوال ہوا؟ ارشاد فرمایا: ’’لقطہ حلال نہیں اور جو شخص پڑا مال اٹھائے اُسکی ایک سال تک تشہیر کرے، اگر مالک آجائے تو اسے دیدے اور نہ آئے تو صدقہ کر دے۔*

(📕بحوالہ ؛ سنن الدارقطنی،کتاب الرضاع،الحدیث۴۳۴۳،ج۴،ص۲۱۵/ حوالہ؛ المرجع السابق)

*📝صدر الشریعہ علیہ الرحمہ فرماتے ہیں: ملتقط پر تشہیر لازم ہے یعنی بازاروں اور عام راستہ اور مساجد میں اتنے زمانہ تک اعلان کرے کہ ظن غالب ہو جائے کہ مالک اب تلاش نہ کرتا ہوگا۔یہ مدت پوری ہونے کے بعد اُسے اختیار ہے کہ لقطہ کی حفاظت کرے یا کسی مسکین پر صدقہ کردے مسکین کو دینے کے بعد اگر مالک آگیا تو اسے اختیار ہے کہ صدقہ کو جائز کردے یا نہ کرے اگر جائز کر دیا ثواب پائے گا اور جائز نہ کیا تو اگر وہ چیز موجود ہے اپنی چیز لے لے اور ہلاک ہوگئی ہے تو تاوان لے گا۔ یہ اختیار ہے کہ ملتقط سے تاوان لے یا مسکین سے، جس سے بھی لے گا وہ دوسرے سے رجوع نہیں کرسکتا*

(📔بحوالہ ؛ الفتاوی الھندیۃ،کتاب اللقطۃ،ج۲،ص۲۸۹۔ حوالہ ؛ المرجع السابق)

واللہ تعالٰی اعلم بالصواب

*ا•─────────────────────•*

*✒️کتبہ :ابــو حنـــیـــفـــہ محـــمـــد اکـبــــر اشــرفــی رضـوی، مانـخـــورد مـــمـــبـــئـــی*

 *رابطہ نمبر ؛ 9167698708*

*ا•─────────────────────•*

۱٣ ذو القعدہ ١٤١٤؁ھ ، مطابق ۵ جون ٠٢٠٢؁ء

*ا•─────────────────────•*

*حدیث نبوی ﷺ (خواتین) گروپ*

*ا•─────────────────────•*

*https://akbarashrafi.blogspot.com/?m=1*

*ا•─────────────────────•*

مکمل تحریر >>>

غسل جنابت میں زیادہ سے زیادہ کتنی تاخیر کر سکتے ہے؟

🔎 *غسل جنابت میں زیادہ سے زیادہ کتنی تاخیر کر سکتے ہے؟*🔍

◆ ــــــــــــــــــــ▪ 📝 ▪ــــــــــــــــــــ ◆

*اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎*

کیا فرماتے ہیں علمائے دین شرع متین اس مسئلے میں ہندہ پر غسل جنابت فرض تھی تب بھی غسل جنابت نہیں کی نماز فجر بھی قضاء ہوگئی ہندہ پر شرعی حکم کیا ہے اور غسل جنابت میں زیادہ سے زیادہ کتنی تاخیر کر سکتے ہے؟

*ا•─────────────────────•*

*سائلہ؛ مدثرہ بانو، آزاد کشمیر پاکستان*

◆ ــــــــــــــــــــ▪ 📝 ▪ــــــــــــــــــــ ◆

*وعلیکم السلام ورحمۃ اللہ تعالی وبرکاتہ*

*الجواب بعون الملک الوھاب ۔۔۔* 

🔍قصداً بلا عذر شرعی نماز قضاء کرنا حرام ہے، 

📌اللہ تعالی فرماتا ہے؛ 

*فَوَیْلٌ لِّلْمُصَلِّیْنَۙ ، الَّذِیْنَ هُمْ عَنْ صَلَاتِهِمْ سَاهُوْنَۙ (سورۃ الماعون آیت ٤ /٥)* 

"ترجمہ؛ تو ان نمازیوں کے لئے خرابی ہے جو اپنی نماز سے غافل ہیں" 

📃نماز میں غفلت کی ایک صورت یہ بھی ہے کہ نماز کو بلا عذر شرعی قضاء کر دینا ، اور غسل کرنے میں زیادہ سے زیادہ تاخیر نماز کا وقت ختم ہونے سے پہلے ہے اتنا پہلے کہ وقت ختم ہونے سے پہلے غسل کرکے نماز ادا کرلیں

*📝صدر الشریعہ علیہ الرحمہ فرماتے ہیں: جس پر غُسل واجب ہے اسے چاہیے کہ نہانے میں تاخیر نہ کرے ،حدیث میں ہے جس گھر میں جنب ہو اس میں رحمت کے فرشتے نہیں آتے* 

(📕بحوالہ الدرالمختار‘‘ و’’ردالمحتار‘‘، کتاب الطہارۃ، مطلب في رطوبۃ الفرج، ج۱، ص۳۳۷) 

*اور اگر اتنی دیر کر چکا کہ نماز کا آخر وقت آگیا تو اب فوراً نہانا فرض ہے، اب تاخیر کرے گا تو گنہگار ہوگا*

(📘حوالہ: بہار شریعت جلد اول حصہ دوم ، باب غسل کن چیزوں سے فرض ہوتا ہے مطبوعہ المکتبۃ المدینۃ) 

*(البتہ ہندہ توبہ کریں اور فوراً غسل کرکے نماز قضاء پڑھیں اور آئندہ سے یہ غلطی نہ دہرانے کا دل میں عہد کر لیں)*

واللہ تعالٰی اعلم بالصواب

*ا•─────────────────────•*

*✒️کتبہ :ابــو حنـــیـــفـــہ محـــمـــد اکـبــــر اشــرفــی رضـوی، مانـخـــورد مـــمـــبـــئـــی*

 *رابطہ نمبر ؛ 9167698708*

*ا•─────────────────────•*

١٣ ذو القعدہ ١٤١٤؁ھ ، مطابق ٥ جولائی ٠٢٠٢؁ء

*ا•─────────────────────•*

*حدیث نبوی ﷺ (خواتین) گروپ*

*ا•─────────────────────•*

*https://akbarashrafi.blogspot.com/?m=1*

*ا•─────────────────────•*

مکمل تحریر >>>

حائضہ کو فقہ کی کتاب پڑھنا کیسا؟

🔎 *حائضہ کو فقہ کی کتاب پڑھنا کیسا ہے؟*🔍

◆ ــــــــــــــــــــ▪ 📝 ▪ــــــــــــــــــــ ◆

*اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎*

سیرت رسول اکرم ﷺ، عورتوں کی نماز، سنی بہشتی زیور، ان کتابوں میں رسول اللہﷺ کا نام ہر جگہ ہے تو حیض کی حالت میں ان کتابوں کو پڑھنا کیسا ہے؟

*ا•─────────────────────•*

*سائلہ؛ زیبا صدیقی، پٹنہ بہار*

◆ ــــــــــــــــــــ▪ 📝 ▪ــــــــــــــــــــ ◆

*وعلیکم السلام ورحمۃ اللہ تعالی وبرکاتہ*

*الجواب بعون الملک الوھاب ۔۔۔* 

🔍حیض و نفاس والی اور جن پر غسل فرض ہو انکو فقہ تفسیر و حدیث کی کتابوں کو چھونا مکروہ ہے، پڑھ سکتے پڑھنے میں حرج نہیں جب قرآن مجید کی کچھ آیتیں بہ نیت ثنا،وظیفہ پڑھ سکتے ہیں تو تاریخ و فقہ کی کتاب پڑھنا بدرجہ اولی جائز ہوگا ، البتہ جہاں آیت قرآن ہو وہ نہ پڑھے نہ ہی آیت کی جگہ کو چھوئے کہ چھونا پڑھنا حرام ہے

*📝صدر الشریعہ علیہ الرحمہ فرماتے ہیں؛ ان سب کو (جن پر غسل فرض ہو) فقہ و تفسیر وحدیث کی کتابوں کا چھونا مکروہ ہے اور اگر ان کو کسی کپڑے سے چُھوا اگرچہ اس کو پہنے یا اوڑھے ہوئے ہو تو حَرَج نہیں مگر مَوضَعِ آیت پر ان کتابوں میں بھی ہاتھ رکھنا حرام ہے۔*

(📕حوالہ؛ بہار شریعت جلد اول حصہ دوم باب؛ غسل کن چیزوں سے فرض ہوتا ہے، مطبوعہ المکتبۃ المدینۃ)

*📝مزید فرماتے ہیں : اگر قرآن کی آیت دُعا کی نیت سے یا تبرک کے لیے جیسے "بِسْمِ اللہِ الرَّحْمٰنِ الرَّحِیْمِ" یا ادائے شکر کو یا چھینک کے بعد "اَلْحَمْدُ لِلّٰہِ رَبِّ الْعٰلَمِیْنَ" یا خبرِ پریشان پر "اِنَّا لِلّٰہِ وَاِنَّا اِلَیْہِ رَاجِعُوْنَ" کہا یا بہ نیتِ ثنا پوری سورۂ فاتحہ یا آیۃ الکرسی یا سورۂ حشر کی پچھلی تین آیتیں "ھُوَاللہُ الَّذِیْ لَآ اِلٰہَ اِلَّا ھُوَ" سے آخر سورۃ تک پڑھیں اور ان سب صورتوں میں قرآن کی نیّت نہ ہو تو کچھ حَرَج نہیں۔ یوہیں تینوں قل بلا لفظ "قل" بہ نیتِ ثنا پڑھ سکتا ہے اور لفظِ "قُل" کے ساتھ نہیں پڑھ سکتا اگرچہ بہ نیّت ثنا ہی ہو کہ اس صورت میں ان کا قرآن ہونا متعین ہے نیّت کو کچھ دخل نہیں* 

(📘بحوالہ الفتاوی الرضویۃ ج۱، ص۷۹۵، ۸۱۹،۸۲۰، حوالہ؛ المرجع السابق)

واللہ تعالٰی اعلم بالصواب

*ا•─────────────────────•*

*✒️کتبہ :ابــو حنـــیـــفـــہ محـــمـــد اکـبــــر اشــرفــی رضـوی، مانـخـــورد مـــمـــبـــئـــی*

 *رابطہ نمبر ؛ 9167698708*

*ا•─────────────────────•*

١١ ذو القعدہ ١٤١٤؁ھ ، مطابق ٣ جولائی ٠٢٠٢؁ء

*ا•─────────────────────•*

*حدیث نبوی ﷺ (خواتین) گروپ*

*ا•─────────────────────•*

*https://akbarashrafi.blogspot.com/?m=1*

*ا•─────────────────────•*

مکمل تحریر >>>

کسی مسلمان کو مذاق میں کافر بولنا کیسا؟

🔎 *کسی مسلمان کو مذاق میں کافر بولنا کیسا؟*🔍

◆  ــــــــــــــــــــ▪  📝   ▪ــــــــــــــــــــ  ◆

*اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎*

زید نے بکر کو مذاق میں کافر بولا اور پھر معافی بھی مانگ لی تو زید پر کیا حکم ہوگا؟ 

اور پھر بکر نے بھی غصے میں آکر زید کو کافر بول دیا تو اب دونوں پر کیا حکم ہوگا؟ 

*ا•─────────────────────•*

*سائلہ؛ نغمہ خاتون، نینیتال اتراکھنڈ*

◆  ــــــــــــــــــــ▪  📝   ▪ــــــــــــــــــــ  ◆

*وعلیکم السلام ورحمۃ اللہ تعالی وبرکاتہ*

*الجواب بعون الملک الوھاب ۔۔۔* 

*🔍زید نے بکر کو اور بکر نے زید کو کافِر کہا ہے تو تعزِیر (یعنی سزا) ہے۔ رہا یہ کہ زید اور بکر خود کافِر ہوگے یا نہیں، تو زید کافر نہیں ہوگا جیسے کہ سوال میں واضح ہے کہ مذاق میں کہا ہے جس سے یہ بات واضح ہوگئی کہ زید بکر کو کافر اعتقاد نہیں کیا ہے دل میں مسلمان ہی جانتا ہے، اور زید نے بکر سے معافی بھی مانگ لی بکر کو چاہیے تھا زید کو معاف کر دیں، اب رہا یہ کہ بکر نے بھی غصے میں زید کو کافر کہا ہے؛ تو اگر اسے یعنی زید کو مسلمان جانتے ہوئے کافر کہا ہے تو کافِر نہ ہوا اور اگر کافِر اِعتِقاد کرکے ( یعنی یہ عقیدہ رکھتا ہے کہ یہ کافر ہے) بولا ہے تو خود کافِر ہے کہ مسلمان کو کافِر جاننا دینِ اسلام کو کُفْر جاننا ہے اور دینِ اسلام کو کُفْر جاننا کُفْر ہے، ہاں اگر زید میں کوئی ایسی بات پائی جاتی ہے جس کی بِنا پر تَکفیر ہوسکے اور اس نے اُسے کافِر کہا اور کافِر جانا تو بکر کافِر نہ ہوگا ، البتّہ جو واقِعی کافِر ہے اُس کو کافِر ہی کہیں گے۔*

*📝صدر الشریعہ علیہ الرحمہ فرماتے ہیں:* کسی مسلمان کو کافر کہا تو تعزیر ہے رہا یہ کہ وہ قائل خود کافر ہوگا یا نہیں اس میں دو صورتیں  ہیں اگر اُسے مسلمان جانتا ہے تو کافر نہ ہوا۔ اور اگر اُسے کافر اعتقاد کرتا ہے تو خود کافر ہے کہ مسلمان کو کافر جاننا دین اسلام کو کفر جاننا ہے اور دین اسلام کو کفر جاننا کفر ہے۔ ہاں اگر اس شخص میں کوئی ایسی بات پائی جاتی ہے جس کی بنا پر تکفیر ہو سکے، اور اُس نے اسے کافر کہا اور کافر جانا تو کافر نہ ہوگا۔ یہ اس صورت میں ہے کہ وہ وجہ جس کی بنا پر اس نے کافر کہا ظنی ہو یعنی تاویل ہو سکے تو وہ مسلمان ہی کہا جائیگا مگر جس نے اسے کافر کہا وہ بھی کافر نہ ہوا۔ اور اگر اس میں قطعی کفر پایا جاتا ہے جو کسی طرح تاویل کی گنجائش نہیں رکھتا تو وہ مسلمان ہی نہیں اور بیشک وہ کافر ہے اور اس کو کافر کہنا مسلمان کو کافر کہنا نہیں بلکہ کافر کو کافر کہنا ہے بلکہ ایسے کو مسلمان جاننا یا اس کے کفر میں شک کرنا بھی کفر ہے۔

*(📘حوالہ؛ بہار شریعت جلد دوم حصہ نہم، تعزیر کا بیان، مطبوعہ المکتبۃ المدینۃ)* 

*📃رہی سزا کیا ہے تو اس کے لئے حدیث مبارکہ میں ہے:* حضرت امیر المومنین علی رضی اللہ تعالٰی عنہ نے فرمایا: کہ اگر ایک شخص دوسرے کو کہے اے کافر، اے خبیث، اے فاسق، اے گدھے تو اس میں کوئی حد مقرر نہیں،حاکم کو اختیار ہے جو مناسب سمجھے سزا دے۔

*(📕بحوالہ؛السنن الکبرٰی للبیھقی،کتاب الحدود، باب من حد فی التعریض،الحدیث ۱۷۱۴۹ ،۱۷۱۵۰،ج ۸، ص۴۴۰: حوالہ؛ ایضا)* 

🔍البتہ زید اور بکر صدق دل سے توبہ کریں اور آئندہ کبھی بھی کسی بھی لہجے میں کسی بھی سنی صحیح العقیدہ کو کافر بولنے سے گریز کریں اور ایک دوسرے سے صدق دل سے معافی مانگے ، اور احتیاطاً تجدید ایمان کریں یعنی اسلام لائے

*📝اسی باب میں صدر الشریعہ علیہ الرحمہ فرماتے ہیں: اب اس زمانہ میں کہ ہندوستان میں اسلامی حکومت نہیں اور لوگ بے دھڑک بلاخوف وخطر معاصی کرتے اور ان پر اصرار کرتے ہیں اور کوئی منع کرے تو باز نہیں آتے۔ اگر مسلمان متفق ہوکر ایسی سزائیں  تجویز کریں جن سے عبرت ہو اور یہ بیباکی اور جرأت کا سلسلہ بند ہوجائے تو نہایت مناسب واَنسب ہوگا۔ بعض قوموں میں بعض معاصی پر ایسی سزائیں دی جاتی ہیں مثلاً حقہ پانی اس کا بند کردیتے اور نہ اس کے یہاں کھاتے نہ اپنے یہاں اس کو کھلاتے ہیں جب تک توبہ نہ کرلے اور اس کی  وجہ سے اون لوگوں میں ایسی باتیں  کم پائی جاتی ہیں جن پر ان کے یہاں  سزا ہواکرتی ہے مگر کاش وہ تمام معاصی کے انسداد میں ایسی ہی کوشش کرتے اور اپنے پنچائتی قانون کو چھوڑ کر شرع مطہر کے موافق فیصلے دیتے اور احکام سناتے تو بہت بہتر ہوتا۔ نیز دوسری قومیں بھی اگر ان لوگوں سے سبق حاصل کریں اور یہ بھی اپنے اپنے مواقع اقتدار میں ایسا ہی کریں تو بہت ممکن ہے کہ مسلمانوں کی حالت درست ہوجائے بلکہ ایکی ہی کیا اگر اپنے دیگر معاملات و منازعات میں بھی شرع مطہر کا دامن پکڑیں اور روزمرہ کی تباہ کن مقدمہ بازیوں سے دست برداری کریں تو دینی فائدہ کے علاوہ ان کی دُنیوی حالت بھی سنبھل جائے اور بڑے بڑے فوائد حاصل کریں مقدمہ بازی کے مصارف سے زیر بار بھی نہ ہو اور اس سلسلہ کے دراز ہونے سے بغض و عداوت جودلوں میں گھر کر جاتی ہے اس سے بھی محفوظ رہیں*

واللہ تعالٰی اعلم بالصواب

*ا•─────────────────────•*

*✒️کتبہ :ابــو حنـــیـــفـــہ محـــمـــد اکـبــــر اشــرفــی رضـوی، مانـخـــورد مـــمـــبـــئـــی*

 *رابطہ نمبر ؛ 9167698708*

*ا•─────────────────────•*

٩ ذو ذوالقعدہ ١٤١٤؁ھ ، مطابق ۱ جولائی ٠٢٠٢؁ء

*ا•─────────────────────•*

احتیاطاً تجدید ایمان ضرور کریں

*✅الجواب صحیح والمجیب نجیح حضرت مفتی مشیر اسد صاحب قبلہ صاحب قبلہ ممبئی*

الجواب صحیح والمجیب نجیح 

محمد شرف الدین رضوی 

*ا•─────────────────────•*

https://akbarashrafi.blogspot.com/?m=1*

*ا•─────────────────────•*

مکمل تحریر >>>

گھنگروں والے پازیب (پائل) پہننا کیسا ہے؟

*❣️گھنگروں والے پازیب (پائل) پہننا کیسا ہے؟ ❣️*

کیافرماتے ہیں علمائے دین اس مسئلے میں کہ عورتوں کا گھنگروں والے پایل پہننا کیسا ہے؟

https://akbarashrafi.blogspot.com/?m=1

*🔸سائلہ ممتاز شیخ، شیواجی نگر گوونڈی ممبئی🔸*

اــــــــــــــــــــــ❣♻❣ـــــــــــــــــــــــ

*الجواب بعون الملک الوھاب*

ایسے پازیب پہننا جائز نہیں ہے،

📑اللہ تعالی فرماتا ہے؛ 

*وَلَا یَضْرِبْنَ بِاَرْجُلِهِنَّ لِیُعْلَمَ مَا یُخْفِیْنَ مِنْ زِیْنَتِهِنَّؕ-وَ تُوْبُوْۤا اِلَى اللّٰهِ جَمِیْعًا اَیُّهَ الْمُؤْمِنُوْنَ لَعَلَّكُمْ تُفْلِحُوْنَ*

*(📕سورۃ النور، آیت ۳۱)*

ترجمہ؛ "اور زمین پر اپنے پاؤں اس لئے زور سے نہ ماریں کہ ان کی اس زینت کا پتہ چل جائے جو انہوں نے چھپائی ہوئی ہے اور اے مسلمانو! تم سب اللہ کی طرف توبہ کرو اس امید پر کہ تم فلاح پاؤ۔"

یعنی عورتیں چلنے پھرنے میں پاؤں اس قدر آہستہ رکھیں کہ اُن کے زیور کی جھنکار نہ سُنی جائے۔‘‘ اسی لئے چاہیے کہ عورتیں بجنے والے جھانجھن نہ پہنیں ۔ 

حدیث شریف میں ہے کہ اللہ تعالیٰ اس قوم کی دعا نہیں قبول فرماتا جن کی عورتیں جھانجھن پہنتی ہوں۔ اس سے سمجھ لیناچاہیے کہ جب زیور کی آواز دعا قبول نہ ہونے کا سبب ہے تو خاص عورت کی آواز اور اس کی بے پردگی کیسی اللہ تعالیٰ کے غضب کو لازم کرنے والی ہوگی۔ پردے کی طرف سے بے پروائی تباہی کا سبب ہے

*(📚بحوالہ ؛ تفسیر احمدی، النور، تحت الآیۃ :۳۱،ص ۵۶۵ ، خزائن العرفان، النور، تحت الآیۃ:۳۱ ، ص ۶۵۶ ،ملتقطاً: حوالہ؛صراط الجنان فی تفسیر القرآن)*

سونے چاندی کا ہر قسم کا زیور زینت کے لیے پہننا عورت کو جائز ہے،

البتہ وہ زیور جس کو پہن کر چلنے سے آوازنکلتی ہو اور فتنے کا اندیشہ ہو تو اس کا استعمال جائز نہیں، اگر پازیب کی بناوٹ ایسی ہے کہ اسے پہن کر باہر نکلنے اور چلنے سے جھنکار کی آواز آتی ہے تو اس کا استعمال درست نہیں ۔

البتہ ایسے پازیب جو سونے چاندی سے بنے ہو اور ایسی کوئی شئی ان میں نہ جڑی ہوجس سے جھنکار کی آواز پیدا ہوتی ہو اور نہ ہی چلتے وقت ان پر غیر مردوں کی نگاہ پڑنے کااندیشہ ہو تو ایسے پازیب کا پہننا درست ہے

*🔸واللّٰه تعالیٰ اعلم 🔸*

اــــــــــــــــــــــ❣♻❣ـــــــــــــــــــــــ

*✍🏻کتبــــــــــــــــــــــــــــــہ*

*ابو حنیفہ محمد اکبر اشرفی رضوی مانخورد ممبئی*

*🗓 ۹ ذی القعدہ ۴۴۱؁ھ مطابق ۱ جولائی ٠٢٠٢؁ء بروز بدھ*

اــــــــــــــــــــــ❣♻❣ـــــــــــــــــــــــ

*🔸حـــــــدیثِ نـــبوی ﷺ (خواتین گروپ)🔸* https://wa.me/+919167698708

اــــــــــــــــــــــ❣♻❣ـــــــــــــــــــــــ

*المشتـــہر؛*

*منجانب منتظمین فیضان غوث وجواجہ*

*گروپ محمد ایوب خان یارعلوی بہرائچ*

اــــــــــــــــــــــ❣♻❣ـــــــــــــــــــــــ

مکمل تحریر >>>

نجاست غلیظہ و خفیفہ کی تفصیل کیا ہے؟

🔎 *نجاست غلیظہ و خفیفہ کی تفصیل کیا ہے؟*🔍

◆ ــــــــــــــــــــ▪ 📝 ▪ــــــــــــــــــــ ◆

*اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎*

نجاست کی دو قسم ہے ایک تو نجاست غلیظہ ہے، دوسری کیا ہے،؟ 

تفصیل کے ساتھ جواب بھیجیں

*ا•─────────────────────•*

*سائلہ؛ ممتاز شیخ، شیواجی نگر گوونڈی ممبئی، مہاراشٹر*

◆ ــــــــــــــــــــ▪ 📝 ▪ــــــــــــــــــــ ◆

*وعلیکم السلام ورحمۃ اللہ تعالی وبرکاتہ*

*الجواب بعون الملک الوھاب ۔۔۔* 

*🔍نجاست کی دو قسم ہے، ایک وہ جس کا حکم سَخْت ہے اس کو "غلیظہ" کہتے ہیں، دوسری وہ جس کا حکم ہلکا ہے اس کو "خفیفہ" کہتے ہیں ۔*

*بہار شریعت میں ہے:*

📄انسان کے بدن سے جو ایسی چیز نکلے کہ اس سے غُسل یا وُضو واجب ہو نَجاستِ غلیظہ ہے ،جیسے پاخانہ، پیشاب، بہتا خون، پیپ، بھر مونھ قے، حَیض و نِفاس و اِستحاضہ کا خون،مَنی،مَذی، وَدی۔ شہیدِ فقہی کا خون جب تک اس کے بدن سے جدا نہ ہوپاک ہے۔دُکھتی آنکھ سے جو پانی نکلے نَجاست غلیظہ ہے۔ یوہیں ناف یا پِستان سے درد کے ساتھ پانی نکلے نَجاستِ غلیظہ ہے۔بلغمی رطوبت ناک یا مونھ سے نکلے نجس نہیں اگرچہ پیٹ سے چڑھے اگرچہ بیماری کے سبب ہو- دودھ پیتے لڑکے اورلڑکی کا پیشاب نَجاستِ غلیظہ ہے یہ جو اکثر عوام میں مشہور ہے کہ دودھ پیتے بچوں کا پیشاب پاک ہے محض غلط ہے۔شِیر خوار بچے نے دودھ ڈال دیا اگر بھر مونھ ہے نَجاستِ غلیظہ ہے۔خشکی کے ہر جانور کا بہتا خون، مردار کا گوشت اور چربی (یعنی وہ جانور جس میں بہتا ہوا خون ہوتا ہے اگر بغیر ذبح شرعی کے مر جائے مردار ہے اگرچہ ذبح کیا گیا ہو جیسے مجوسی یابُت پرست یا مُرتد کا ذبیحہ اگرچہ اس نے حلال جانور مثلاً بکری وغیرہ کو ذبح کیا ہو، اس کا گوشت پوست سب ناپاک ہوگیا اور اگر حرام جانور ذبح شرعی سے ذبح کر لیا گیا تو اس کا گوشت پاک ہوگیا اگرچہ کھانا حرام ہے سوا خنزیر کے کہ وہ نجس العین ہے کسی طرح پاک نہیں ہو سکتا ، حرام چوپائے جیسے کتا، شیر، لومڑی، بلّی، چوہا، گدھا، خچر، ہاتھی، سوئر کا پاخانہ، پیشاب اور گھوڑے کی لِید اور ہر حلال چوپایہ کا پاخانہ جیسے گائے بھینس کا گوبر، بکری اونٹ کی مینگنی اور جو پرند کہ اونچا نہ اُڑے اس کی بِیٹ، جیسے مرغی اور بَطخ چھوٹی ہو خواہ بڑی اور ہر قسم کی شراب اور نشہ لانے والی تاڑی اور سیندھی اور سانپ کا پاخانہ پیشاب اور اُس جنگلی سانپ اور مینڈک کا گوشت جن میں بہتا خون ہوتا ہے اگرچہ ذبح کیے گئے ہو یوہیں ان کی کھال اگرچہ پکالی گئی ہو اور سُوئر کا گوشت اور ہڈّی اور بال اگرچہ ذبح کیا گیا ہو یہ سب نَجاستِ غلیظہ ہیں۔ چھپکلی یا گرگٹ کا خون نَجاستِ غلیظہ ہے ،انگور کا شِیرہ کپڑے پر پڑا تو اگرچہ کئی دن گزر جائیں کپڑا پاک ہے۔ہاتھی کے سُونڈ کی رطوبت اور شیر، کتّے، چیتے اور دوسرے درندے چوپایوں کا لُعاب نَجاستِ غلیظہ ہے۔

*📝نجاستِ غلیظہ کا حکم یہ ہے کہ اگر کپڑے یا بدن میں ایک درہم سے زِیادہ لگ جائے ،تو اس کا پاک کرنا فرض ہے، بے پاک کیے نماز پڑھ لی تو ہو گی ہی نہیں اور قصداً پڑھی تو گناہ بھی ہوا اور اگر بہ نیتِ اِستِخفاف ہے تو کفر ہوا اور اگر درہم کے برابر ہے تو پاک کرنا واجب ہے کہ بے پاک کیے نماز پڑھی تو مکروہ ِتحریمی ہوئی یعنی ایسی نماز کا اِعادہ واجب ہے اور قصداً پڑھی تو گنہگار بھی ہوا اور اگر درہم سے کم ہے تو پاک کرنا سنّت ہے، کہ بے پاک کیے نماز ہوگئی مگر خلافِ سنّت ہوئی اور اس کا اِعادہ بہتر ہے۔* 

📄جن جانوروں کا گوشت حلال ہے جیسے گائے، بیل، بھینس، بکری، اونٹ وغیرہ ان کا پیشاب نیز گھوڑے کا پیشاب اور جس پرند کا گوشت حرام ہے، خواہ شکاری ہو یا نہیں، جیسے کوّا، چیل، شِکرا، باز، بہری ،اس کی بِیٹ نَجاستِ خفیفہ ہے۔چمگادڑ کی بیٹ اور پیشاب دونوں پاک ہیں۔جو پرند حلال اُونچے اُڑتے ہیں جیسے کبوتر، مینا، مرغابی، قاز ،ان کی بیٹ پاک ہے۔ہر چوپائے کی جگالی کا وہی حکم ہے جو اس کے پاخانہ کا۔ہر جانور کے پِتّے کا وہی حکم ہے جو اس کے پیشاب کا، حرام جانوروں کا پِتّا نَجاستِ غلیظہ اور حلال کا نجاست خفیفہ ہے، نجاستِ غلیظہ خفیفہ میں مِل جائے تو کُل غلیظہ ہے، 

*📝نَجاستِ خفیفہ کا یہ حکم ہے کہ کپڑے کے حصہ یا بدن کے جس عُضْوْ میں لگی ہے، اگر اس کی چوتھائی سے کم ہے (مثلاً دامن میں لگی ہے تو دامن کی چوتھائی سے کم، آستین میں اس کی چوتھائی سے کم، یوہیں ہاتھ میں ہاتھ کی چوتھائی سے کم ہے،تو معاف ہے کہ اس سے نماز ہو جائے گی اوراگر پوری چوتھائی میں ہو تو بنا دھوئے نماز نہ ہوگی*

*🔍اگر نَجاست گاڑھی ہے جیسے پاخانہ، لید، گوبر تو درہم کے برابر ،یا کم ،یا زِیادہ کے معنی یہ ہیں کہ وزن میں اس کے برابر یا کم یا زِیادہ ہو اور درہم کا وزن شریعت میں اس جگہ ساڑھے چار ماشے اور زکوٰۃ میں تین ماشہ رتی ہے اور اگر پتلی ہو ،جیسے آدمی کا پیشاب اور شراب تو درہم سے مراداس کی لمبائی چوڑائی ہے اور شریعت نے اس کی مقدار ہتھیلی کی گہرائی کے برابر بتائی یعنی ہتھیلی خوب پھیلا کر ہموار رکھیں اور اس پر آہستہ سے اتنا پانی ڈالیں کہ اس سے زِیادہ پانی نہ رک سکے، اب پانی کا جتنا پھیلاؤ ہے اتنا بڑا درہم سمجھا جائے اور اس کی مقدارتقریباً یہاں کے روپے کے برابر ہے۔ (نجس تیل کپڑے پر گرا اور اسوقت درہم کے برابر نہ تھا، پھر پھیل کر درہم کے برابر ہو گیا تو اس میں علما کو بہت اختلاف ہے اور راحج یہ ہے کہ اب پاک کرنا واجب ہوگیا) کسی کپڑے یا بدن پر چند جگہ نَجاستِ غلیظہ لگی اور کسی جگہ درہم کے برابر نہیں مگر مجموعہ درہم کے برابر ہے، تو درہم کے برابر سمجھی جائے گی اور زائد ہے تو زائد، نَجاستِ خفیفہ میں بھی مجموعہ ہی پر حکم دیا جائے گا*

*(📕حوالہ؛ بہار شریعت جلد اول حصہ دوم، نجاست کے متعلق احکام، مطبوعہ المکتبۃ المدینۃ)*

واللہ تعالٰی اعلم بالصواب

*ا•─────────────────────•*

*✒️کتبہ :ابــو حنـــیـــفـــہ محـــمـــد اکـبــــر اشــرفــی رضـوی، مانـخـــورد مـــمـــبـــئـــی*

 *رابطہ نمبر ؛ 9167698708*

*ا•─────────────────────•*

٨ ذوالقعدہ ١٤١٤؁ھ ، مطابق ٣٠ جون ٠٢٠٢؁ء

*ا•─────────────────────•*

*حدیث نبوی ﷺ (خواتین) گروپ*

*ا•─────────────────────•*

https://akbarashrafi.blogspot.com/?m=1*

مکمل تحریر >>>

آیت قرانی پر لطیفہ بنانا کفر ہے

*❣️آیت قرانی پر لطیفہ بنانا کفر ہے❣️*

*(کیا فرماتے ہیں علمائے دین و مفتیان کرام  مندرجہ ذیل یہ لطیفہ کہنا کفر ہے یا نہیں؟ اگر ہے تو بالدلائل جواب عنایت فرمائیں)*

ذهب رجل إلى' السوق؛ ليشتري جاريةً.

فرأى' جاريتين حسينتين جميلتين.

فأعجب حسنهما............

فقيل له: هذه باكرةٌ وتلك ثيّبةٌ؛

فاختار باكرةً.................

قالت الثيّبة: ما الفرق بيني و بينها إلّا ليلةً.

قالت الباكرة: ليلة القدر خيرٌ من الف شهر....

لا تضحك كثيراً

*فخرازھرچینل لنک*

https://t.me/fakhreazhar

*🔸سائل جنید رضا پیلی بھیت🔸*

اــــــــــــــــــــــ❣♻❣ـــــــــــــــــــــــ

*الجواب* یہ آیت قرانی کا مذاق اڑانا ہے اس طرح مذاق اڑانا کفر ہے اس پر جو لوگ جان بوجھ کر متفق ہوکر ہنسے ان پر بھی حکم کفر ہے تجدید ایمان تجدید نکاح (اگر بیوی رکھتا ہو تو) لازم ہے، اور جس کو سمجھ میں نہیں آیا بے اختیار ہنس پڑا یا دوسروں کو دیکھ کر ہنسا اس پر حکم کفر نہیں 

کفریات کلمات کے بارے میں سوال جواب میں ہے ؛ 

کچھ میمن و غیر میمن لوگ مل کر بیٹھے تھے ۔اس میں میمن برادری کے بارے میں بات چھڑی، اس پر ایک شخص نے مذاقا کہا:میمن بھائیوں کی تو بہت بڑی شان ہے دیکھو ان کا ذکر قران مجید میں بھی موجود ہے !یہ کہہ کر اس نے لہجے کے ساتھ پارہ30 سورۃ البلد کی 18ویں آیت کریمہ *اولئک اصحب المیمنۃ ﴿۱۸﴾* تلاوت کی ۔ یہ سن کر حاضرین میں ہنسی کافوارہ ابل پڑا۔ ان سب کیلئے کیا حکم شرعی ہے؟

جوابا ارشاد فرمایا گیا؛ آیت قرانی کا مذاق اڑانا کفر ہے اور جو جان بوجھ کر بخوشی متفق ہو کر ہنسا اس پر بھی حکم کفرہے۔ہاں جو بے اختیار ہنس پڑا یا جس کو سمجھ نہ پڑی اور دوسروں کو دیکھ کر ہنس دیا اس پر حکم کفر نہیں۔

*(📚صفحہ نمبر ۱۹۱/۱۹۲ مطبوعہ المکتبۃ المدینۃ)*

*🔸واللّٰه تعالیٰ اعلم 🔸*

اــــــــــــــــــــــ❣♻❣ـــــــــــــــــــــــ

*✍🏻کتبــــــــــــــــــــــــــــــہ*

*ابو حنیفہ محمد اکبر اشرفی رضوی مانخورد ممبئی*

*🗓 ۶ ذی القعدہ ۴۴۱؁ھ مطابق ۲۸ جون ٠٢٠٢؁ء بروز اتوار*

*رابطہ* https://wa.me/+919167698708

اــــــــــــــــــــــ❣♻❣ـــــــــــــــــــــــ

عند الفقہاء تو ضرور ہوگا ، لہذا توبہ و تجدید ایمان و نکاح کرے

*✅الجواب صحیح والمجیب نجیح حضرت مفتی مشیر اسد صاحب قبلہ صاحب قبلہ ممبئی*

*✅الجواب صحیح وصواب حضرت مفتی محمد امین قادری رضوی صاحب قبلہ دیوان بازار مراداباد یوپی*

اــــــــــــــــــــــ❣♻❣ـــــــــــــــــــــــ

*🔸فیضان غوث وخواجہ گروپ میں ایڈ کے لئے🔸* https://wa.me/+917800878771

اــــــــــــــــــــــ❣♻❣ـــــــــــــــــــــــ

*المشتـــہر؛*

*منجانب منتظمین فیضان غوث وجواجہ*

*گروپ محمد ایوب خان یارعلوی بہرائچ*

اــــــــــــــــــــــ❣♻❣ـــــــــــــــــــــــ

مکمل تحریر >>>

بے دھیانی میں کفر بکنے پر کیا حکم ہے؟

🔎 *بے دھیانی میں کفر بکنے پر کیا حکم ہے؟*🔍

◆  ــــــــــــــــــــ▪  📝   ▪ــــــــــــــــــــ  ◆

*اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎*

کیا فرماتے ہیں علماء دین شرع متین اس مسئلے میں اگر کوئی شخص بے دھیانی میں بھول سے کفریہ کلمہ بول دے تو اس پر کیا حکم شرع ہوگا؟

*ا•─────────────────────•*

*سائلہ؛کنیز فاطمہ، گجرات*

◆  ــــــــــــــــــــ▪  📝   ▪ــــــــــــــــــــ  ◆

*وعلیکم السلام ورحمۃ اللہ تعالی وبرکاتہ*

*الجواب بعون الملک الوھاب ۔۔۔* 

*🔍قائل کا قول یقیناً اگر کفر بھی ہو تب بھی تکفیر نہیں کی جائے گی کہ بے خیالی میں کفر صادر ہوا ہے، اسے چاہیے کہ فوراً اس جملے سے اظہار نفرت بیزاری کا اظہار کریں اگر اس پر اڑے رہا تو کافر ہو جائے گا*

*صــدر الـشــریعہ عـلیہ الـرحمہ فرماتے ہیں:*

📃کہنا کچھ چاہتا تھا اور زبان سے کفر کی بات نکل گئی تو کافر نہ ہوا یعنی جبکہ اس امر سے اظہار نفرت کرے کہ سننے والوں کو بھی معلوم ہو جائے کہ غلطی سے یہ لفظ نکلا ہے اور اگر بات کی  پچ کی (یعنی جو کچھ منہ سے نکلا اس پر اڑے رہنا) تو اب کافر ہو گیا کہ کفر کی تائید کرتا ہے۔ 

*📘(بحوالہ؛ ’’ردالمحتار‘‘،کتاب الجھاد،باب المرتد،مطلب: الأسلام یکون بالفصل۔۔۔إلخ،ج۶،ص۳۵۳۔حوالہ؛ بہار شریعت جلد دوم حصہ نہم مرتد کا بیان، مطبوعہ المکتبۃ المدینۃ)*

واللہ تعالٰی اعلم بالصواب

*ا•─────────────────────•*

*✒️کتبہ :ابــو حنـــیـــفـــہ محـــمـــد اکـبــــر اشــرفــی رضـوی، مانـخـــورد مـــمـــبـــئـــی*

 *رابطہ نمبر ؛ 9167698708*

*ا•─────────────────────•*

 ٦ ذوالقعدہ ١٤١٤؁ھ ، مطابق ٢٨ جون ٠٢٠٢؁ء

*ا•─────────────────────•*

*حدیث نبوی ﷺ (خواتین) گروپ*

*ا•─────────────────────•*

*https://akbarashrafi.blogspot.com/?m=1*

*ا•─────────────────────•*

مکمل تحریر >>>

کمزور روزہ دار بھول کر کھا رہا ہو تو اسے یاد دلانا کیسا ہے؟

*❣️کمزور روزہ دار بھول کر کھا رہا ہو تو اسے یاد دلانا کیسا ہے؟❣️*

https://akbarashrafi.blogspot.com/?m=1

السلام علیکم ورحمتہ اللہ وبرکاتہ

کیافرماتے ہیں علماء کرام اس مسئلہ کے بارے میں

 کہ دو آدمی روزہ ہیں۔۔جنمیں ایک تندرست ہے۔۔جبکہ دوسرا بہت کمزور ہے

اگر ان میں سے جو کمزور ہے روزہ کی حالت میں بھول کر کھانا کھارہا ہو تو کیا منع نہ کرنا چاہیے اور کیا تندرست کو منع کرنا چاہیے یا نہیں 

مدلل وضاحت فرمائیں

عین نوازش ہوگی

*فخرازھرچینل لنک*

https://t.me/fakhreazhar

*🔸سائل حافظ ارباز عالم نظامی کشی نگر🔸*

اــــــــــــــــــــــ❣♻❣ـــــــــــــــــــــــ

*وعلیکم السلام ورحمة اللّٰه وبرکاته*

*الجواب بعون الملک الوھاب*

جو کمزور ہو اسے یاد نہ دلانا بہتر ورنہ یاد دلانا واجب ہے 

*صـــدر الشــریعہ علیہ الرحمہ فــرماتے ہیں؛* 

کسی روزہ دار کو ان افعال میں دیکھے تو یاد دلانا واجب ہے، یاد نہ دلایا تو گنہگار ہوا، مگر جب کہ وہ روزہ دار بہت کمزور ہو کہ یاد دلائے گا تو وہ کھانا چھوڑ دے گا اور کمزوری اتنی بڑھ جائے گی کہ روزہ رکھنا دشوار ہوگا اور کھا لے گا تو روزہ بھی اچھی طرح پورا کر لے گا اور دیگر عبادتیں بھی بخوبی ادا کر لے گا تو اس صورت میں یاد نہ دلانا بہتر ہے۔

بعض مشائخ نے کہا جوان کو دیکھے تو یاد دلادے اور بوڑھے کو دیکھے تو یاد نہ دلانے میں حرج نہیں ۔ مگر یہ حکم اکثر کے لحاظ سے ہے کہ جو ان اکثر قوی ہوتے ہیں اور بوڑھے اکثر کمزور اور اصل حکم یہ ہے کہ جوانی اور بڑھاپے کو کوئی دخل نہیں ، بلکہ قوت و ضعف ( طاقت اور جسمانی کمزوری) کا لحاظ ہے،

لہٰذا اگر جوان اس قدر کمزور ہو تو یاد نہ دلانے میں حرج نہیں اور بوڑھا قوی ہو تو یاد دلانا واجب ہے

*(📚بحوالہ؛ ردالمحتار‘‘، کتاب الصوم، باب ما یفسد الصوم وما لا یفسدہ، ج۳، ص۴۲۰۔حوالہ : بہار شریعت جلد اول ح پنجم ان چیزوں کابیان جن سے روزہ نہیں جاتا مطبوعہ المکتبہ المدینہ)*

*🔸واللّٰه تعالیٰ اعلم 🔸*

اــــــــــــــــــــــ❣♻❣ـــــــــــــــــــــــ

*✍🏻کتبــــــــــــــــــــــــــــــہ*

*ابو حنیفہ محمد اکبر اشرفی رضوی مانخورد ممبئی*

*🗓 ۳ ذی القعدہ ۴۴۱؁ھ مطابق ۲۶ جون ٠٢٠٢؁ء بروز جمعرات*

*رابطہ* https://wa.me/+919167698708

اــــــــــــــــــــــ❣♻❣ـــــــــــــــــــــــ

*✅الجواب صحیح و المجیب نجیح حضرت مولانا محمد جابرالقادری رضوی صاحب قبلہ*

اــــــــــــــــــــــ❣♻❣ـــــــــــــــــــــــ

*🔸فیضان غوث وخواجہ گروپ میں ایڈ کے لئے🔸* https://wa.me/+917800878771

اــــــــــــــــــــــ❣♻❣ـــــــــــــــــــــــ

*المشتـــہر؛*

*منجانب منتظمین فیضان غوث وجواجہ*

*گروپ محمد ایوب خان یارعلوی بہرائچ*

اــــــــــــــــــــــ❣♻❣ـــــــــــــــــــــــ

مکمل تحریر >>>