*🔹مذی نجاست غلیظہ ہے🔹*
السلام علیکم و رحمۃ اللہ برکاتہ
🛡سوال۔مذی پاک ہے یا ناپاک اگر ناپاک ہے تو اس میں اور پیشاب میں کیا فرق ہے اور اگر یہ دونوں چیزیں ایک درہم سے کم کپڑے یا جسم میں لگی ہیں تو کیا حکم ہے اگر اسے بغیر دھوئے نماز پڑھ لی تو ہوگی یا نہیں جواب عنایت فرمائیں نوازش ہوگی
*🌹سائل🌹 جاوید اختر*
◆ــــــــــــــــــ♦⛺♦ــــــــــــــــــ◆
*وعلیکم السلام و رحمۃ اللہ و برکاتہ*
*📝اَلْجَوَابُ بِعَوْنِ الْمَلِكِ الْوَھَّابِ اللّٰھُمَّ ھِدَایَةَالْحَقّ وَالصّوَابِ*
_انسان کے بدن سے جو ایسی چیز نکلے کہ اس سے غُسل یا وُضو واجب ہو نَجاستِ غلیظہ ہے ،جیسے پاخانہ، پیشاب، بہتا خون، پیپ، بھر مونھ قے، حَیض و نِفاس و اِستحاضہ کا خون،مَنی،مَذی، وَدی،_
*🔰 اور نجاستِ غلیظہ کا حکم یہ ہے کہ اگر کپڑے یا بدن میں ایک درہم سے زِیادہ لگ جائے ،تو اس کا پاک کرنا فرض ہے، بے پاک کیے نماز پڑھ لی تو ہو گی ہی نہیں اور قصداً پڑھی تو گناہ بھی ہوا اور اگر بہ نیتِ اِستِخفاف ہے تو کفر ہوا*
_🔹 اور اگر درہم کے برابر ہے تو پاک کرنا واجب ہے کہ بے پاک کیے نماز پڑھی تو مکروہ ِتحریمی ہوئی یعنی ایسی نماز کا اِعادہ واجب ہے اور قصداً پڑھی تو گنہگار بھی ہوا_
_🔸 اور اگر درہم سے کم ہے تو پاک کرنا سنّت ہے، کہ بے پاک کیے نماز ہوگئی مگر خلافِ سنّت ہوئی اور اس کا اِعادہ بہتر ہے۔_
*📗(بہار شریعت، جلد اول، حصہ دوم، نجاستوں کے متعلق احکام)*
*والله تعالی اعلم بالصواب؛*
◆ــــــــــــــــــ♦⛺♦ــــــــــــــــــ◆
*✍ازقلـــم:-اسیـــر حضـــور اشـــرف العــلــمـاء ابـــو حنـــیـــفـــہ محـــمـــد اکـبــــر اشــرفــی رضـوی، مانـخـــورد مـــمـــبـــئـــی*
*مورخہ، ٧ ربیع النور ١٤٤١ھ*
*رابطہ؛ 9167698708*
◆ــــــــــــــــــ♦⛺♦ــــــــــــــــــ◆
*المشتــہر؛*
*اسيــرتـاج الشـر يعــه خـاكسـار*
*غــــلام احمــــد رضــــا نــــــورى*
◆ــــــــــــــــــ♦⛺♦ــــــــــــــــــ◆
0 comments:
آپ بھی اپنا تبصرہ تحریر کریں
اہم اطلاع :- غیر متعلق,غیر اخلاقی اور ذاتیات پر مبنی تبصرہ سے پرہیز کیجئے, مصنف ایسا تبصرہ حذف کرنے کا حق رکھتا ہے نیز مصنف کا مبصر کی رائے سے متفق ہونا ضروری نہیں۔اگر آپ کے کمپوٹر میں اردو کی بورڈ انسٹال نہیں ہے تو اردو میں تبصرہ کرنے کے لیے ذیل کے اردو ایڈیٹر میں تبصرہ لکھ کر اسے تبصروں کے خانے میں کاپی پیسٹ کرکے شائع کردیں۔